Free Bus Travel: ਔਰਤਾਂ ਨੂੰ ਝਟਕਾ? ਮੁਫ਼ਤ ਬੱਸ ਸਫਰ ਨਾਲ ਜੁੜੇ ਨਿਯਮ ਬਦਲੇ, ਜਾਣੋ ਨਵਾਂ ਅਪਡੇਟ
ਦਿੱਲੀ ਵਿੱਚ ਔਰਤਾਂ ਲਈ ਮੁਫ਼ਤ ਬੱਸ ਯਾਤਰਾ ਪ੍ਰਣਾਲੀ ਵਿੱਚ ਵੱਡਾ ਬਦਲਾਅ ਹੋਣ ਜਾ ਰਿਹਾ ਹੈ। Arvind Kejriwal ਸਰਕਾਰ ਵੱਲੋਂ 2019 ਵਿੱਚ ਸ਼ੁਰੂ ਕੀਤੀ ਗਈ ਇਸ ਸਕੀਮ ਹੇਠ ਹੁਣ ਕਾਗਜ਼ੀ ਗੁਲਾਬੀ ਟਿਕਟਾਂ ਦੀ ਥਾਂ ‘ਪਿੰਕ ਸਹੇਲੀ ਸਮਾਰਟ ਕਾਰਡ’ ਲਾਗੂ ਕੀਤਾ ਜਾਵੇਗਾ। ਨਵੀਂ ਪ੍ਰਣਾਲੀ ਨਵੇਂ ਸਾਲ ਦੀ ਸ਼ੁਰੂਆਤ ਵਿੱਚ ਲਾਗੂ ਹੋ ਸਕਦੀ ਹੈ।
ਕੀ ਬਦਲੇਗਾ?
- ਮੁਫ਼ਤ ਯਾਤਰਾ ਲਈ ਹੁਣ ਸਮਾਰਟ ਕਾਰਡ ਲਾਜ਼ਮੀ ਹੋਵੇਗਾ
- ਗੁਲਾਬੀ ਟਿਕਟ ਪ੍ਰਣਾਲੀ ਖਤਮ ਕੀਤੀ ਜਾਵੇਗੀ
- ਸਮਾਰਟ ਕਾਰਡ ਨਾ ਹੋਣ ‘ਤੇ ਟਿਕਟ ਖਰੀਦਣੀ ਪਵੇਗੀ
ਕਾਰਡ ਕਿਵੇਂ ਮਿਲੇਗਾ?
- ਆਧਾਰ ਕਾਰਡ (ਦਿੱਲੀ ਪਤਾ) ਨਾਲ ਅਰਜ਼ੀ
- ਘੱਟੋ-ਘੱਟ ਉਮਰ 12 ਸਾਲ
- ਡੀਐਮ/ਐਸਡੀਐਮ ਦਫ਼ਤਰ, ਬੱਸ ਡਿਪੂ, CSC ਸੈਂਟਰਾਂ ‘ਤੇ ਕਾਊਂਟਰ
ਨਵਾਂ ਸਿਸਟਮ ਕਿਵੇਂ ਕੰਮ ਕਰੇਗਾ?
ਯਾਤਰਾ ਦੌਰਾਨ ਕੰਡਕਟਰ ਸਮਾਰਟ ਕਾਰਡ ਨੂੰ ETM ਮਸ਼ੀਨ ‘ਤੇ ਟੈਪ ਕਰੇਗਾ। ਇਸ ਨਾਲ ਪ੍ਰਣਾਲੀ ਵਿੱਚ ਪਾਰਦਰਸ਼ਤਾ ਆਵੇਗੀ ਅਤੇ ਬੇਨਿਯਮੀਆਂ ‘ਤੇ ਰੋਕ ਲੱਗੇਗੀ।
ਹੋਰ ਸਮਾਰਟ ਕਾਰਡ
ਪਿੰਕ ਸਹੇਲੀ ਕਾਰਡ ਤੋਂ ਇਲਾਵਾ, ਬਜ਼ੁਰਗਾਂ, ਅਪਾਹਜਾਂ, ਖਿਡਾਰੀਆਂ ਅਤੇ ਹੋਰ 12 ਸ਼੍ਰੇਣੀਆਂ ਲਈ ਬੱਸ ਪਾਸ ਵੀ ਸਮਾਰਟ ਕਾਰਡਾਂ ਵਿੱਚ ਬਦਲੇ ਜਾਣਗੇ। ਆਮ ਯਾਤਰੀ ਵੀ ਰੀਚਾਰਜੇਬਲ ਸਮਾਰਟ ਕਾਰਡ ਲੈ ਸਕਣਗੇ, ਜੋ ਮੈਟਰੋ ਕਾਰਡ ਵਾਂਗ ਕੰਮ ਕਰੇਗਾ।
