Gold Rates: ਸੋਨੇ ਦੀ ਕੀਮਤਾਂ ‘ਚ ਵੱਡੀ ਗਿਰਾਵਟ ਦੀ ਸੰਭਾਵਨਾ, ₹15,000 ਤੱਕ ਸਸਤਾ ਹੋ ਸਕਦਾ ਹੈ ਸੋਨਾ: ਮਾਹਰ
Experts on Gold Rate: ਵਿਆਹਾਂ ਦੇ ਸੀਜ਼ਨ ਦੌਰਾਨ ਸੋਨੇ ਅਤੇ ਚਾਂਦੀ ਦੀਆਂ ਆਸਮਾਨ ਛੂਹ ਰਹੀਆਂ ਕੀਮਤਾਂ ਮੱਧ ਵਰਗ ਲਈ ਚਿੰਤਾ ਦਾ ਕਾਰਨ ਬਣ ਗਈਆਂ ਹਨ। ਭਾਰਤੀ ਬਾਜ਼ਾਰ ਵਿੱਚ ਸੋਨਾ ਕਰੀਬ ₹1.40 ਲੱਖ ਪ੍ਰਤੀ 10 ਗ੍ਰਾਮ ਅਤੇ ਚਾਂਦੀ ₹2.54 ਲੱਖ ਪ੍ਰਤੀ ਕਿਲੋ ਦੇ ਰਿਕਾਰਡ ਪੱਧਰ ‘ਤੇ ਪਹੁੰਚ ਗਈ ਹੈ, ਜਿਸ ਨਾਲ ਗਹਿਣੇ ਖਰੀਦਣਾ ਅਤੇ ਨਿਵੇਸ਼ ਦੋਵੇਂ ਮੁਸ਼ਕਲ ਹੋ ਗਏ ਹਨ।
ਕੀਮਤਾਂ ਘਟਣ ਦੇ ਸੰਕੇਤ
ਵਿੱਤੀ ਮਾਹਿਰਾਂ ਮੁਤਾਬਕ ਜਿਵੇਂ ਤੇਜ਼ੀ ਨਾਲ ਕੀਮਤਾਂ ਵਧੀਆਂ ਹਨ, ਉਸੇ ਤਰ੍ਹਾਂ ਤੇਜ਼ ਗਿਰਾਵਟ ਵੀ ਆ ਸਕਦੀ ਹੈ। ਅੰਦਾਜ਼ਾ ਹੈ ਕਿ ਸੋਨਾ ਇੱਕ ਦਿਨ ਵਿੱਚ ₹10,000 ਤੋਂ ₹15,000 ਤੱਕ ਸਸਤਾ ਹੋ ਸਕਦਾ ਹੈ, ਜਦਕਿ ਚਾਂਦੀ ਦੀ ਕੀਮਤ 10–20 ਫੀਸਦੀ ਘਟ ਸਕਦੀ ਹੈ।
ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਸੋਨਾ ਲਗਭਗ $4,500 ਪ੍ਰਤੀ ਔਂਸ ਤੱਕ ਪਹੁੰਚ ਚੁੱਕਾ ਹੈ, ਜਿਸ ਦਾ ਅਸਰ ਘਰੇਲੂ ਕੀਮਤਾਂ ‘ਤੇ ਵੀ ਪਿਆ ਹੈ। ਚਾਂਦੀ ਦੀ ਤੇਜ਼ੀ ਨੇ ਨਿਵੇਸ਼ਕਾਂ ਅਤੇ ਗਹਿਣਾ ਉਦਯੋਗ ਨੂੰ ਵੀ ਹੈਰਾਨ ਕੀਤਾ ਹੈ।
ਬਾਜ਼ਾਰ ਦੇ ਰੁਝਾਨ
ਉੱਚੀਆਂ ਕੀਮਤਾਂ ਕਾਰਨ ਆਮ ਖਰੀਦਦਾਰ ਪਿੱਛੇ ਹਟ ਰਹੇ ਹਨ ਅਤੇ ਵਿਕਰੀ ਘਟ ਗਈ ਹੈ। ਭਾਰਤ ਅਤੇ ਦੁਬਈ ਵਰਗੇ ਬਾਜ਼ਾਰਾਂ ਵਿੱਚ ਸੋਨਾ-ਚਾਂਦੀ ਛੋਟਾਂ ‘ਤੇ ਵੀ ਵੇਚੀ ਜਾ ਰਹੀ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਵੱਡੇ ਨਿਵੇਸ਼ਕਾਂ, ETF ਅਤੇ ਫੰਡਾਂ ਦੀ ਭਾਰੀ ਖਰੀਦਦਾਰੀ ਕਾਰਨ ਕੀਮਤਾਂ ਚੜ੍ਹੀਆਂ ਹਨ।
ਨਿਵੇਸ਼ਕਾਂ ਲਈ ਸਲਾਹ
ਮਾਹਿਰਾਂ ਨੇ ਸਲਾਹ ਦਿੱਤੀ ਹੈ ਕਿ ਕੀਮਤਾਂ ਡਿੱਗਣ ਦੀ ਉਡੀਕ ਕਰਨਾ ਫਾਇਦੇਮੰਦ ਰਹੇਗਾ। ਨਾਲ ਹੀ, ਕਿਸ਼ਤਾਂ ਵਿੱਚ ਨਿਵੇਸ਼ ਕਰਨਾ ਇੱਕੋ ਵਾਰ ਵੱਡੀ ਰਕਮ ਲਗਾਉਣ ਨਾਲੋਂ ਬਿਹਤਰ ਹੈ, ਤਾਂ ਜੋ ਜੋਖਮ ਘਟਾਇਆ ਜਾ ਸਕੇ।
ਆਉਣ ਵਾਲੇ ਦਿਨਾਂ ਵਿੱਚ ਬਾਜ਼ਾਰ ਵਿੱਚ ਉਤਰਾਅ-ਚੜ੍ਹਾਅ ਜਾਰੀ ਰਹਿਣ ਦੀ ਸੰਭਾਵਨਾ ਹੈ, ਇਸ ਲਈ ਖਰੀਦ ਅਤੇ ਨਿਵੇਸ਼ ਸੋਚ-ਸਮਝ ਕੇ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
